Wednesday, May 22, 2024

Tiga belas pintu rumah panjai Kupon lus diempa api

Rumah Panjang Kupon Ingka
Rumah Panjang Kupon Ingka

SARATOK: Tiga belas pintu rumah panjai Tuai Rumah (TR) Kupon Ingka, Sungai Itop, Saratok lus diempa api pagi kemari.

Rumah dua ringkat nya lus dalam penusah angus ke nyadi urung 9.45 pagi.

Lebuh bomba datai kia urung 10 pagi, api nya udah makai kira sebagi ari tiga rumah dia keba bomba nguing perati ngagai bilik bukai ke bedau diempa api.

Rumah panjai nya pan nadai dibekal enggau ai paip, bala bomba enggai enda pan nguna ai sungai dikena madamka api dalam pengelama 45 minit.

Taja pan tiga buah bilik muak ke puting setak selamat enda kena empa api, mayuh kereban nyengkaum keresa lekterik jai jamah ai.

Nitihku TR Kupon Ingka, iya benung di pasar lebuh penusah angus nya nyadi.

Tebal agi peranak benung ba tempat kereja tauka di sekula, semina orang tuai enggau anak mit aja ke bisi di rumah, ku iya.

Tang ku iya tau dikumbai benasit laban seiku pan ari 181 iku peranak dia nadai bebadi dalam penusah nya.

 

Berkaitan - Related Articles

LEAVE A REPLY

Please enter your comment!
Please enter your name here

Terkini/Latest

Popular